- 33 -

1312. Sept. 30. Liegnitz.

Herzog Boleslaus ertheilt den Beginen über Haus nnd Hof zwischen der Stadtmauer und der Katzbach vollkommene Freiheit, mit der Verpflichtung, dem Kloster zum heiligen Kreuz zu dienen.

In nomine domini amen. Acta hominum cum cursu temporis a memoria hominum elabuntur, nisi scripto et testibus roborantur, hinc est, quod nos Boleslaus dei gracia dux Slesie et dominus Legniczensis notum facimus vniuersis, presentibus et futuris, quod religiosis feminis sororibus uel Beginis, in Legnicz ciuitate manentibus, in area et domo, que est intra muros ciuitatis et Kaczbach in opposito balnei Martini sita, in qua quondam magistre Gutta et Girtrudis prefuerunt, locatis ibidem per illustrem principem ducem Boleslaum, nostrum auum, damus et conferimus in hijs scriptis perpetuam libertatem de ipsa area et domo et de omnibus, quas habent, rebus vel habere possunt in futurum mobilibus et immobilibus, de quibus victum uel vestitum habent uel habere possunt in communi uel priuatim in domo supradicta, ita, quod penitus sint solute ab omnibus exaccionibus uel solucionibus per nos uel per nostros ciues uel nostros ministeriales qualescumque positis, uel vigilijs uel quibuscumque alijs seruicijs ad dominium nostrum pertinentibus, uel ciuitatis nostre, quocumque nomine censeantur; nichilominus volumus, ut nostris dilectis fratribus predicatoribus in Legnicz commorantibus, secundum suum posse in Christo ministrent studiose et pro anima nostra et nostre coniugis ac omnium predecessorum deprecentur incessanter. In cuius testimonio sigillum nostrum duximus presentibus appendendum. Actum et datum in Legnicz anno domini M°CCC°XII° Jeronimi confessoris, presentibus fidedignis videlicet domino Bronczlao Budwoy milite, domicellis Stephano de Parchowicz, Petro de Berndorff, Mathia filio Flurmani, jurato scriptore nostro de Zolczborne et aliis pluribus fidedignis.

Bitschens Geschossbuch, p. 123.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866